सुवर्णा कांचन मुख्य संपादक
पुणे : दरवर्षीप्रमाणे यंदाही ब्रह्म चैतन्य विश्वंभर महाराज दिंडी क्र. ६५च्या वतीने आयोजित करण्यात आलेल्या अन्नदान सेवा उपक्रमास भाविकांचा उत्स्फूर्त प्रतिसाद लाभला. वारकरी संप्रदायातील सेवा, समर्पण आणि सामाजिक बांधिलकीची परंपरा जपत हा उपक्रम अत्यंत भक्तिमय वातावरणात पार पडला. दिंडीत सहभागी झालेल्या वारकरी, भाविक आणि नागरिकांसाठी प्रेमाने व भक्तिभावाने अन्नदान करण्यात आले.
या अन्नदान सेवेचे प्रमुख नियोजन व आयोजन श्री. अनिल रामदास कुदळे, धनंजय वसंतराव कुदळे, मिलिंद कुदळे, रामदास कुदळे, वसंतराव कुदळे तसेच संपूर्ण कुदळे परिवार यांनी केले. सर्वांनी एकजुटीने नियोजन करून सेवा यशस्वी करण्यासाठी परिश्रम घेतले. त्यांच्या समन्वयामुळे अन्नदान सेवा शिस्तबद्ध व सुरळीतरीत्या पार पडली.
या सेवाकार्यात टिळेकरवाडीचे तंटामुक्ती समितीचे अध्यक्ष संतोष सुखदेव राऊत, माजी उपसरपंच सुखदेव चांगदेव राऊत, शिवम राऊत, स्वयम राऊत, प्रगतशील बागायतदार सागर टिळेकर, अमोल टिळेकर, अजय नेवसे, चंद्रशेखर इंवळे तसेच भाऊसाहेब जांभुळकर यांनीही मोलाचे सहकार्य केले. त्यांच्या सक्रिय सहभागामुळे अन्नदान सेवा अधिक प्रभावी आणि यशस्वी ठरली.
अन्नदान हीच श्रेष्ठ सेवा मानणाऱ्या सर्व सेवाभावी कार्यकर्त्यांनी वारकऱ्यांची मनोभावे सेवा केली. भाविकांनीही आयोजकांच्या कार्याचे कौतुक करत अशा सेवाभावी उपक्रमांमुळे समाजात एकात्मता, सहकार्य आणि मानवतेचा संदेश अधिक दृढ होत असल्याची भावना व्यक्त केली.
कुदळे परिवाराची अन्नदान सेवा उपक्रम हा भक्ती, सेवा आणि सामाजिक सलोखा यांचा सुंदर संगम ठरला. आयोजकांनी भविष्यातही अशाच सेवाभावी उपक्रमांद्वारे वारकरी संप्रदायाची परंपरा अधिक बळकट करण्याचा संकल्प व्यक्त केला.
बापुराव चौधरी उपसंपादक